काठमाडौं । आफ्नै साथीको एटीएम दुरुपयोग गरी पैसा चोरेको अभियोगमा दरवारमार्गस्थिति केएफसी रेष्टुरेन्टमा कार्यरत एक महिला कर्मचारीले पक्राउ परेकी छिन् । 
मंगलबार महानगरीय अपराध महाशाखाका अनुसार साथीको पैसा चोरेको आरोपमा केएफसीमा काम गर्ने दिपुकुमारी राणा लामालाई पक्राउ गरीएको हो ।
उनले आफूसँगै काम गर्ने उर्मिला गुरुङको खाताबाट एटीएम प्रयोग गरी पैसा चोरी गरेको प्रहरीले जनाएको छ । राणाले साथी उर्मिलाको माछापुच्छ्रे बैंकको खाताबाट एक लाख ७३ हजार ५ सय २२ रुपैयाँ विभिन्न मितिमा चोरी गरेको प्रहरीको दावी छ । उनले उर्मिलाको एटीएम र पिनकोड समेत चोरी गरेको प्रहरी अनुसन्धानले जानकारी दिएको छ ।
राणाको घरमा खानतलासी गर्दा ५० हजार रुपैयाँ बरामद भएकोले उनलाई बैकिङ कुसर अपराध अन्तर्गत मुद्धामा आवश्यक कारबाहीको बुधबार पक्राउ गरी हनुमानढोकामा राखिएको महाशाखाले जनाएको छ ।
लेखकको बारेमा
प्रतिक्रिया