काठमाडौं । नेपाल राष्ट्र बैंकले हिमालयन बैंकलाई मलेसियामा सम्पर्क कार्यालय खोल्नका लागि अनुमति दिएको छ । हिमालयनले मलेसियामा सम्पर्क कार्यालय खोल्नका लागि त्यहाँको केन्द्रिय बैंकको अनुमति यसअघि नै पाइसकेको थियो ।
बैंकले मलेसियामा सम्पर्क कार्यालय खोल्न राष्ट्र बैंकबाट अनुमतिका लागि धेरै अघि निवेदन दिएपनि वल्ल अनुमति पाएको हो । सम्पर्क कार्यालय खुलेपछि नेपाल र मलेसियाविच व्यापार तथा विप्रेषण बृद्धि हुने विश्वास बैंकले लिएको छ ।
बैंकले सम्पर्क कार्यालय खोल्नका लागि प्रक्रिया सुरु गरिसकेको छ ।
यसैगरी बैंकले अन्य मूलुकहरुमा समेत सम्पर्क कार्यालय खोल्ने र सम्पर्क कार्यालयको विश्वव्यापी सञ्जाल निर्माण गर्ने योजना समेत अघि सारेको छ ।
बैंकले हाल ५४ सय भन्दा बढी हिमाल रेमिट भुक्तानी केन्द्र रहेका छन् भने बैंकको नेपालभर ४२ वटा शाखा रहेका छन् ।
लेखकको बारेमा
प्रतिक्रिया