काठमाडौं । हिमाली तथा पहाडी क्षेत्रका जनतालाई विभिन्न सहकारीका माध्यमवाट लघु वित्त ऋण सेवा उपलब्ध गराउने हिमालयन बैंक र समृद्ध पहाडबीच संयुक्त सम्झौता भएको छ ।
हिमालयन बैंक लिमिटेडका प्रमुख कार्यकारी अधिकृत अशोक समसेर जबरा तथा समृद्ध पहाडका प्रमुख कार्यकारी अधिकृत अरुण राणाले सम्झौतामा हस्ताक्षर गरे ।
विहिबार भएको सम्झौतमा हिमालयन बैंक तथा समृद्ध पहाडले समूहगत ऋण प्रवाहको लागि समृद्ध पहाडले सम्भाव्य सहकारीहरुको बिवरण आवधिक रुपमा बैंकलाई प्रस्ताव गर्नेछ विज्ञप्तीमा भनिएको छ ।
हिमालयन बैंकले समृद्ध पहाडले सिफारिस गरेअनुरुप त्यस्ता सहकारीलाई बैंकको आफ्नो प्रकृया अनुरुप ऋण सुविधा प्रदान गर्ने बैंकले जानकारी दिएको छ ।
हिमालयन बैंकले यो साझेदारीवाट पहाडी तथा हिमाली क्षेत्रका दुर्गम स्थानका बासिन्दा माझ ऋण प्रवाह गर्न सक्षम हुने विश्वास लिएको छ ।
लेखकको बारेमा
प्रतिक्रिया