काठमाडौं । नेशनल लाईफ इस्योरेन्स (एनएलआईसी) को साधारणसभाले ७२.५० प्रतिशत लाभांस दिने प्रस्ताव पारित गरेको छ । उक्त लाभांसमध्ये ५५ प्रतिशत बोनस सेयर र १७.५० प्रतिशत नगद लाभांस रहेको छ ।

हाल कम्पनीको पुँजी ५० करोड १३ लाख रहेकोमा उक्त सेयर वितरण पश्चात कम्पनीको पुँजी ७७ करोड ७० लाख पुग्नेछ ।

कम्पनी गत आवमा कम्पनीले ४४ करोड रुपैयाँ खुद नाफा कमाएको थियो । उक्त अवधिसम्ममा २ अर्ब २७ करोड रुपैयाँ प्रिमियम संकलन गरी ७३ करोड खुद दावी भुक्तानी गरेको साधारणसभामा अध्यक्ष प्रेमा राज्यलक्ष्मी सिंहले जानकारी दिइन् । उनले  नयाँ नयाँ बीमा योजनाहरु ल्याएर नेपाली बीमा बजारलाई आधुनिकतापतर्फ उन्मुख गराएको दाबी गरिन् । कम्पनीले लाजिम्पाटमा आधुनिक व्यापारिक भवन निर्माण गरिरहेको छ ।

लेखकको बारेमा

अर्थटुडे