काठमाडौ । सिद्धार्थ बैंकले डडेलधुराको तुफानडाँडामा ४४ औं शाखा खोलेको छ । बिहीबार शाखाको उद्घाटन प्रमुख जिल्ला अधिकारी शिवराज जोशीले गरे ।
बैंकले यसअघि मानव विकास तथा सामाजिक सुरक्षा नमुना परियोजनामार्फत डडेलधुराका २० गाविसका ५ हजार भन्दा बढी सर्वसाधरणलाई सजिलो बैंकिङ सेवामार्फत शैक्षिक बाल अनुदान वितरण गर्दै आएको छ ।
बैंकले हाल ४४ शाखा, २ एक्स्टेन्सन काउन्टर, ४९ शाखारहित बैंकिङ सेवा केन्द्र तथा ५६ एटीएममार्फत ग्राहकहरूलाई बैंकिङ सेवा प्रदान गर्दै आएको छ ।
चालू आर्थिक वर्षको चैत मसान्तको वित्तीय विवरणअनुसार बैंकको कुल निक्षेप ३२.४८ अर्ब, कुल कर्जा २५.३१ अर्ब रुपैयाँ र नोक्सानी व्यवस्था अघिको सञ्चालन मुनाफा ८०.२१ करोड तथा खुद मुनाफा रु ३६.३६ करोड रुपैयाँ छ ।
लेखकको बारेमा
प्रतिक्रिया